Опубликовано: 08 февраля 2017 • Категория: Руслан Башаев

Всегда, Балхар, так было –
По горной городьбе
Неведомая сила
Влечёт меня к тебе.
Балхар, из отчей глины
Ты чашу даришь мне.
И всех ключей глубины
Звенят на плоском дне.

В земле одушевлённой
Душа приземлена.
И в речи окрылённой
Народа суть видна.

Ты верностью посулам –
Пример другим аулам.

Перевёл Максим Калинин

Опубликовано: 09 декабря 2016 • Категория: Руслан Башаев

КъабивкIмур дяхтта чIалай
ЧIявуну хьхьунил тIитIай.
Гъаргъарцул хьхьем ккур учай
ЛухIисса хъункIултIутIай.

Так бацIира, кьабивкIун,
Жергъ увкусса цIуртталу.
Аькьлу цуппа кьабивтун,
ДакI дитира цурдалу.

ДакI дитира батIулну
Дарихсса пикрирдая:
Цурда хъянгу, аьтIунгу,
Дитира зикрирдаву.

Дитира дакIний даслан
Ссавнил ссигъал-накьичру,
Ца-цаних тIий лаласлан
Заннал хатIлийсса чичру.

Лавхъукун ДакIнил ттурши,
ЛещантIиссар хIасиллу.
ЛичIантIиссар вил кIулши
КIулмуничIа аьсивну.

КIулмуничIа къакIулмур
ХIат дакъа хъун хьунтIиссар.
Инсаннал мазрай кумур
Куклуну чIалантIиссар.

КъадучIантIиссар цичIав
Жунна ччинийн, къаччинийн.
Лирккун тIий гьарца хIисав
Ссавнияту лухччинийн.

Опубликовано: 09 декабря 2016 • Категория: Руслан Башаев

Ина усса махIлалийн
МархIаматрал баргъ бичай.
На бумурдив чулданийн
Мунил чани къабияй.

Ина усса махIлалийх
Вил ххютулух бачара,
Бургъил ххютгу, чанигу
Ца Заннаяр учара.

Агь, ва дакIнин ци байссар,
Ци къадагъа дишайссар,
Бургъилугу, цIаннайгу
ЦIаран лахълай духьурча!

Ачу, ттул янил чаний,
Ва тирхханну, ва къюву
Ядуванну вил чаннай
Ядуванну ттул цIаннай.

Агь, ва дакIнин ци байссар,
Ци къадагъа дишайссар,
Бургъилугу, цIаннайгу
ЦIаран лахълай духьурча!