Печать

Яла марцIмур ссав дуссар
КIа Лакку билаятрай,
Лагма – зунттал ккюрнутIай,
Дянив – ссавнил ланжари.

Ланжарттуй – бивщу щивщу,
Чанна цIурттан лавхъусса,
Зунттал бакIай шархь ттурлу –
Чалагъайртту куннасса.

Гьаз шайссар, жалин кунма,
Барзгу зунттул хъачIниха,
БакIрай чалагъай липI тIий,
Лагмава цIуртти къавтIий.

Ххуллун макьан дуцайссар
Бярату оьрватIалгу,
ЧIяпIри ришлан бикIайссар
КIалахIилул мурхьругу.

Бухьхьияра, лак, Лаккуйн,
Зунна эмарат ккаккан, -
Ччима хIайран увайсса
Лаккуйсса хьхьунил ссувхIат.